Comer en Ferrol

O Camiño do Inglés: cociña saborosa e de mercado no Ferrol

O Camiño do Ingles

San francisco 17, 15401 Ferrol

 

Na rúa San Francisco do Ferrol atópase O Camiño do Inglés (981352090), un interesantísimo local gastronómico que atopou unha interesante fórmula para facerse un oco na cidade, aínda que non é moi coñecido fóra do departamento. Daniel López, o cociñeiro, pasou antes polos fogóns de Casa Marcelo e Casa Pendás e iso nótase. E moito. Aquí a fórmula é a sinxeleza e a informalidade. Hai unicamente un taboleiro no que o cociñeiro escribe a diario con xis os pratos que se lle ocorren do mercado. Todo pensado como para racións para compartir, aínda que o taboleiro é abondo amplo como para poder escoller entre varias e diversas opcións ao facer un menú.

Na casa hai platos clásicos (as aliñas de pólo desosadas, que son a estrela da casa) ou eses guisos do norte do país que tanto se agradecen. En xeral, todo moi fresco, divertido, con platos sinxelos que teñen un tratamento técnico moderno que os alixeira e, ao mesmo tempo, potencia os seus sabores. Cociña ben resolta, doada, destinada a un público que quere disfrutar coa comida, que non é moi dado a experimentos pero agradece pequenas innovacións nas súas rutinas gastronómicas.
Chamoume ben a atención o servizo do viño. Non hai carta como tal. Digamos que o servizo é a propia barra e o que ten por riba. Botellas aliñadas que teñen posto o seu prezo con xis, e as permiten ter sempre unha visión “actualizada” dos viños que se ofrecen no Camiño do Inglés. Economía de guerrilla hosteleira, pero tamén un punto informal e orixinal que te fai sentir moi cómodo. O restaurante, por certo, fai un curioso xogo de conceptos entre o Camiño Inglés, que pasa pola porta do restaurante, e as orixes familiares de Daniel, cuxo pai estivo emigrado en Gran Bretaña.
Daniel preparounos unha selección de pratos do restaurante servidos en medias racións -cinco ou seis. Acompañámolo, creo, cun branco de Valdeorras. Pagamos polo asunto vinte e algo euros por cabeza, máis que satisfactorio por un excelente nivel de cociña: sabrosa, ben pensada e cunha gran paixón polo mercado. Un bo motivo para visitar Ferrol!