Carballo
A micoloxía está de moda
As saídas ao monte son cada vez máis frecuentes e máis numerosas
Medio centenar de persoas reuniron onte a
asociación de veciños Ponche Lubián e a EFA Fonteboa para a saída ao
campo que seguiu ás charlas celebradas na tarde do venres sobre a forma
de recoñecer os cogomelos e o seu uso na cociña, seguidas tamén por
moitos participantes. Tamén houbo percorrido, o segundo deste mes,
organizado por Lumieira polos montes carballeses, tamén cunha notable
presenza de participantes. Só nun ano o aumento de afeccionados
conseguiu sorprender aos organizadores e os especialistas da zona xa non
teñen ningún fin de semana libre, tal é a demanda.
O bo tempo de onte fixo que as saídas fosen máis
agradables e case todos os que percorreron os montes volveron cos cestos
cheos de diversas especies. En Coristanco estiveron nos montes de
Cerqueirás, entre as parroquias de Erbecedo e Traba, onde atoparon gran
cantidade de níscalos. No caso carballés o percorrido centrouse na zona
costeira e tamén resultou un éxito.
No hay comentarios:
Publicar un comentario